საქართველოს კინემატოგრაფიის ეროვნული ცენტრი საინტერესო ინფორმაციას ავრცელებს ქართული ფილმის წარმატების შესახებ. ალექსანდრე კობერიძის ფილმი „რას ვხედავთ, როდესაც ცას ვუყურებთ?“ გერმანელ კინოკრიტიკოსთა ჯილდოს მფლობელი გახდა!
🇬🇪🏆 დაჯილდოების ცერემონიალი ბერლინში გაიმართა, სადაც რეჟისორი საუკეთესო მხატვრული ფილმისთვის დააჯილდოვეს.
🤝 „რას ვხედავთ, როდესაც ცას ვუყურებთ?” შექმნილია საქართველოს ეროვნული კინოცენტრის მხარდაჭერით. იგი გერმანელ კინოკრიტიკოსთა ჯილდოს 4 ნომინაციაზე იყო წარდგენილი: საუკეთესო მხატვრული ფილმი, საუკეთესო ოპერატორული ნამუშევარი (ფარაზ ფეშარაკი), საუკეთესო მონტაჟი (ალექსანდრე კობერიძე) და საუკეთესო მუსიკა (გიორგი კობერიძე).
🎞🖋📄 გერმანელ კინოკრიტიკოსთა ჯილდო ერთადერთი გერმანული პრემიაა, რომელსაც ქვეყანაში კინოკრიტიკოსები გასცემენ (გერმანიის კინოკრიტიკოსთა ასოციაცია). ეს ტრადიცია უკვე 60 წელზე მეტია, გრძელდება. წელს გერმანელმა კინოკრიტიკოსებმა ჯილდო 12 კატეგორიაში გასცეს.