პარლამენტის საპროცედურო საკითხთა და წესების კომიტეტის თავმჯდომარე ირაკლი ქადაგიშვილი კომენტარს აკეთებს მოძრაობა ,,ხალხის ძალის“ მიერ მომზადებულ კანონპროექტთან დაკავშირებით, არასამთავრობო სექტორების გამჭვირვალობასა და ანგარიშ-ვალდებულებაზე მოსახლეობას წინაშე:
,,რატომ უნდა იყოს საგანგაშო, მათ შორის, რომ არასამთავრობო სექტორიც იყოს გამჭვირვალე, თავის დაფინანსების წყაროში და ანგარიშ-ვალდებულებაში?!
ნახეთ, რატომ არის მანამდე აღშფოთება? – იმიტომ არის, რომ ვიღაცას ჰგონია, თუ მისი დაფინანსებით მოქმედი არასამთავრობო ორგანიზაცია ანგარიშ-ვალდებული იქნება, მას საფრთხე დაემუქრება.
რატომ უნდა დაემუქროს საფრთხე ანგარიშ-ვალდებულებას ხალხისა და კანონის წინაშე?! ჯერ კანონი წაიკითხონ – ეს ერთი. შეადარონ, იგივე ამერიკულ კანონს, თუ მაინც და მაინც – ეს მეორე. მესამე – აქ ხომ ამ შინაარსზე არ მიდის ლაპარაკი, რასაც მე გადავხედე თვალით, სიტყვა “აგენტი” ყურს ჭრის“, – განაცხადა ირაკლი ქადაგიშვილმა.
ავტორი
ნინი ხიჯაკაძე
