ერთ პოლიტიკურ პლატფორმაზე გაერთიანებულმა სამმა ოპოზიციურმა პარტიამ – ,,დროამ”, ,,სტრატეგია აღმაშენებელმა” და ,,გირჩი – მეტი თავისუფლებამ”, საქართველოში მყოფ უკრაინელებთან ერთად, 24 თებერვლის უკრაინის სოლიდარობის აქციასთან დაკავშირებით, სპეციალური ბრიფინგი გამართეს. დაგეგმილ ღონისძიებასთან დაკავშირებით განცხადება გააკეთა ,,სტრატეგია აღმაშენებლის” თავმჯდომარემ, გიორგი ვაშაძემ:
,,24 თებერვალს მთელს მსოფლიოში იმართება უკრაინის მხარდამჭერი აქციები და ჩვენ, საზოგადოებრივ პირებთან ერთად, გამოვედით ინიციატივით, რომ საქართველოში, ასევე, გაიმართოს უკრაინის სოლიდარობის აქცია. ისინი [უკრაინელები] არიან თანაინიციატორები ამ შეკრების და ვფიქრობ, რომ ძალიან მნიშვნელოვანია მოვუსმინოთ.
რაც მთავარია, 24 თებერვალს ყველანი შევიკრიბოთ იმისთვის, რომ მთელ მსოფლიოს ვაჩვენოთ სად დგას ქართველი ხალხი!
მთელ მსოფლიოს ვაჩვენოთ რა არის საქართველო, სად არის საქართველო და როგორ უჭერს გულმხურვალედ მხარს უკრაინას!
ვაჩვენოთ, თუ როგორი სოლიდარულია უკრაინელი ხალხის და უკრაინის ბრძოლის ამ თავისუფლებისთვის და იმ ტირანიის წინააღმდეგ, რომელიც რუსეთის ფედერაციაში სუფევს”, – განაცხადა გიორგი ვაშაძემ.
ავტორი
ნინი ხიჯაკაძე
