საქართველოს პრეზიდენტი, სალომე ზურაბიშვილი ცისფერ გალერეასთან სამოქალაქო აქტივისტების და მხატვარ სანდრო სულაბერიძის მხარდამჭერ აქციის პარალელურად პოლიციის მობილიზებაზე აკეთებს აქცენტს:
“20 პოლიციის მანქანა ცისფერი გალერეის უკანა ეზოში 🙄🙄🙄
მხატვარი ესოდენ საფრთხეს უქმნიდეს სახელმწიფოს????
ცოტა არ იყოს სხვა ეპოქას გვახსენებს და თანამედროვე საქართველოს კი ნამდვილად არცხვენს!” – წერს ფეისბუქის პირად გვერდზე სალომე ზურაბიშვილი.
ინფორმაციისთვის: ეროვნულ გალერეაში გამართულ გამოფენაზე სახელწოდებით “ავტოპორტრეტი სარკესთან”, მხატვარმა სანდრო სულაბერიძემ საკუთარი ნამუშევარი ჩამოხსნა/წაიღო და მის ადგილას, გამოთავისუფლებულ კედელზე საღებავით შემდეგი ფრაზა დაწერა: “ხელოვნება ცოცხალი და დამოუკიდებელია“. ფაქტს სამართალდამცავმა უწყებამ სისხლის სამართლის დანაშაულის კვალიფიკაცია მისცა და გამოძიება დაიწყო, რასაც საზოგადოების არაერთგვაროვანი რეაქცია მოჰყვა რაც სხვადასხვა სახის პროტესტით გამოიხატა, მათ შორის, აქციების სახით. მაგ. ცისფერ გალერეასთან.
