10 თებერვლის ბანკთაშორისი ვაჭრობის შედეგად, საქართველოს ეროვნულმა ბანკმა ლარის ახალი კურსი დაადგინა უცხოურ ვალუტებთან მიმართებაში, რომელიც ძალაში იქნება 11 თებერვლიდან 3 დღის განმავლობაში.
გასული კვირის განმავლობაში შეინიშნებოდა ლარის კურსის გაუფასურების ნიშნები სხვადასხვა უცხოურ ვალუტასთან მიმართებაში, მათ შორის, დოლართან მიმართებაში. იხ. მონაცემები წინა 4 ვაჭრობის შედეგად დაფიქსირებული კურსი კონკრეტული დღეებისთვის:
7 თებერვალი – 2.6424;
8 თებერვალი – 2.6459;
9 თებერვალი – 2.6558;
10 თებერვალი – 2.6702.
ეროვნული ვალუტა, ბოლო ვაჭრობაზე გამყარდა, 0.0032 ლარით და 1 აშშ დოლარი 11 თებერვლიდან 3 დღის განმავლობაში ეღირება 2.6670 ლარი.
გასულ კვირაში ლარის მკვეთრი გამყარების შემდეგ გაუფასურების ნიშნები გამოიკვეთა ევროსთან მიმართებაში. კერძოდ, წინა 4 ვაჭრობის შედეგად დაფიქსირებული კურსის შესაბამისად 1 ევრო ღირდა:
7 თებერვალი – 2.8432;
8 თებერვალი – 2.8364;
9 თებერვალი – 2.8537;
10 თებერვალი – 2.8758.
წინა ორ ვაჭრობაზე ლარი, გაუფასურების შემდეგ, ისევ საგრძნობლად გამყარდა, 0.0208 ლარით და შემდგომი 3 დღის განმავლობაში 1 ევრო ეღირება 2.8550 ლარი.
ამავე პერიოდში სხვა ვალუტებთან მიმართებაში ლარის შემდეგი კურსი განისაზღვრა და დაფიქსირდა კონკრეტული სხვაობა წინა ვაჭრობისას დადგენილ კურსთან მიმართებაში:
1 დიდი ბრიტანეთის გირვანქა სტერლინგი – 3.2292 ლარი (გამყარდა 0.0138 ლარით)
1 თურქული ლირა – 0.1416 ლარი (გამყარდა 0.0002 ლარით)
10 უკრაინული გრივნა – 0.7226 (გამყარდა 0.0005 ლარით)
1 აზერბაიჯანული მანათი – 1.5688 ლარი (გამყარდა 0.0019 ლარით)
1000 სომხური დრამი – 6.7558 ლარი (გაუფასურდა 0.00018 ლარით)
1 შვეიცარიული ფრანკი – 2.8911 ლარი (გამყარდა 0.0173 ლარით)
10 ჩინური იუანი – 3.9178 ლარი (გამყარდა 0.0082 ლარით)
100 ინდური რუპია – 3.2326 ლარი (გამყარდა 0.0033 ლარით)
10 ისრაელის შეკელი – 7.5855 ლარი (გამყარდა 0.0699 ლარით)
100 იაპონური იენი – 2.0371 ლარი (გამყარდა 0.0037 ლარით)
ბოლო კვირების განმავლობაში გამოიკვეთა ლარის სტაბილიზების ნიშნები რუსულ რუბლთან მიმართებაში. კერძოდ, წინა 4 ვაჭრობის შედეგად, კონკრეტული დღეებისთვის, 100 რუსულ რუბლთან მიმართებაში შემდეგი კურსი დაფიქსირდა:
7 თებერვალი – 3.7348;
8 თებერვალი – 3.7305;
9 თებერვალი – 3.7055;
10 თებერვალი – 3.6662.
10 თებერვლის ვაჭრობაზე ეროვნული ვალუტა ისევ გამყარდა, 0.0122 ლარით 100 რუსულ რუბლზე და შესაბამისად, მომდევნო 3 დღის განმავლობაში, 100 რუსული რუბლი ეღირება 3.6540 ლარი.
ლარის კურსი – ადრინდელი მონაცემები
წყარო: საქართველოს ეროვნული ბანკი