პარლამენტის წევრი, პარტია “სტრატეგია აღმაშენებლის” გენერალური მდივანი, პაატა მანჯგალაძე მწვავე შეფასებებით ეხმაურება პარტია “ქართული ოცნების” თავმჯდომარის, ირაკლი კობახიძის პოზიცია/განმარტებას, სადაც ის აცხადებს, რომ უკრაინაში მიმდინარე ომში “უპირატესობა ამ ეტაპზე აქვს რუსეთის მხარეს“:
“ირაკლი კობახიძის და “ქართული ოცნების” სხვა პროპაგანდისტების გზავნილი, რომ რუსეთი წარმატებას აღწევს უკრაინის ფრონტზე და დასავლეთი მეორე ფრონტის გახსნას გვაძალებს არის არა შემთხვევითი დამთხვევა რუსული ინტერესის, არამედ პირდაპირი, მიზანმიმართული გამეორება კრემლის გზავნილის, რომ თითქოს რუსეთი უძლეველია, რუსეთი იმარჯვებს.
და მეორე, რუსულია თავად მეორე ფრონტის იდეაც, რომ თითქოს პირველი ფრონტიც არა რუსეთმა, არამედ დასავლეთმა გახსნა უკრაინაში.
შესაბამისად, პირდაპირ შეგვიძლია ვთქვათ, ირაკლი კობახიძისთვის ანუ ქოცისთვის მთავარია არა საქართველო, არა თავისუფლება, არა ღირსება, არა სიმართლე, არამედ ხელისუფლებაში ყოფნის დღეები და მზად არიან ეშმაკსაც მიყიდონ სული ამისთვის”, – განაცხადა პაატა მანჯგალაძემ.
ინფორმაციას პოლიტიკური პარტია “გიორგი ვაშაძე – სტრატეგია აღმაშენებლის” და საპარლამენტო ფრაქცია “რეფორმების ჯგუფის” მედიასთან და საზოგადოებასთან ურთიერთობის სამსახური ავრცელებს.