პარტია ,,ქართული ოცნების” თავმჯდომარე, ირაკლი კობახიძე ჟურნალისტებთან გაკეთებულ კომენტარში საუბრობს რუსეთის ფედერაციის მიღწევებზე ბოლო პერიოდის განმავლობაში:
,,ფაქტობრივი მოცემულობა, რასაც უკრაინის ხელისუფლების წარმომადგენლებიც ადასტურებენ და ასევე, უცხოელი შესაბამისი წარმომადგენლები ევროპიდან და აშშ-დან, მაგალითად, ბოლო ერთი-ორი კვირა რომ ავიღოთ, არც ერთი დასახლებული პუნქტი არ აუღია უკრაინულ მხარეს. მინიმუმ ბოლო ერთი კვირის განმავლობაში ათამდე დასახლებული პუნქტი აიღო რუსულმა მხარემ, რაც აჩვენებს რომ უპირატესობა ამ ეტაპზე აქვს რუსულ მხარეს.
ომის დაწყებამდე რუსეთს ჰქონდა ოკუპირებული ყირიმი და დონბასის გარკვეული ნაწილი. დღეს რუსეთს აქვს ოკუპირებული ხერსონის 80%, ხარკოვის ოლქის ნაწილი და ზაპოროჟიეს 80%. საბოლოო ჯამში, უპირატესობა აქვს რუსეთს, ანუ ეს არის დღევანდელი მოცემულობა.
ამ პირობებში, რა თქმა უნდა, იზრდება ზოგიერთი ძალის ინტერესი, საქართველო იყოს ჩართული სამხედრო კონფლიქტში. ამის უკან შეიძლება ვიღაცისთვის რეალურად რაღაცა ობიექტური ინტერესი არსებობდეს, მაგრამ ჩვენი ქვეყნის განადგურების ხარჯზე, რა თქმა უნდა, ამას ვერ გავაკეთებთ. დავარქვათ მას გლობალური ომის პარტია და ვიცით ჩვენ ამის უკან ვინ იგულისხმება, რა იგულისხმება!”, – განაცხადა ირაკლი კობახიძემ.
ავტორი
ნინი ხიჯაკაძე
