პრეზიდენტ სალომე ზურაბიშვილის მიერ გავრცელებულ განცხადებაზე საქართველოს მე-3 პრეზიდენტთან, მიხეილ სააკაშვილთან დაკავშირებით, პოლიტიკურ შეფასებას აკეთებს პარტია ,,ქართული ოცნების“ თავმჯდომარე ირაკლი კობახიძე:
,,მნიშვნელოვანია, რომ სალომე ზურაბიშვილმა მიიღოს შესაბამისი გადაწყვეტილება. როგორც ჩანს, მან კარგად გაიაზრა საზოგადოების განწყობა ამ თემის გარშემო. საზოგადოებას არ უნდა არეულობა, რადიკალიზმის გაღვივება.
საზოგადოებამ კარგად იცის, რომ ერთ-ერთი მიზანი სააკაშვილის გამოშვების უკან არის სწორედ ამ არეულობის წყაროს შექმნა. როგორც ჩანს, ეს გაითვალისწინა პრეზიდენტმა და ძალიან კარგია, რომ მან მიიღო ის გადაწყვეტილება, რომელიც ყველაზე მეტად შეესაბამება ქართველი ხალხის, ქართული საზოგადოების ინტერესებს.
მას აქვს სათანადო პოზიცია. ჩვენ მეტ სიღრმეში არ შევალთ. მიხეილ სააკაშვილისგან დანაშაულებების აღიარება, ნიშნავს სრულ კაპიტულაციას და ამას ის – არ გააკეთებს. ჩვენ ვიცით, მას აქვს კონკრეტული მიზნები. მისი მიზანია პოლიტიკაში დაბრუნება. აქედან გამომდინარე, ის ამას არასოდეს გააკეთებს.
რაც შეეხება პატიმრის გათავისუფლებას ჰუმანიტარული მოტივით – ეს არის, მე ვიტყოდი – აბსურდი. ერთი მარტივი მიზეზის გამო – თუ ჩვენ მხოლოდ ჰუმანიტარული მოტივებით ვიმოქმედებთ, ამ შემთხვევაში 9 000-ვე პატიმარი უნდა გამოვუშვათ გარეთ“, – განაცხადა ირაკლი კობახიძემ.
ავტორი
ნინი ხიჯაკაძე
