გამოცემა ,,The Economist” სტატიას აქვეყნებს სახელწოდებით ,,საქართველო გადავიდა კრემლის ორბიტაზე/Georgia has drifted into the Kremlin’s orbit”. აღნიშნულ თემაზე ,,მთავარი არხის“ ჟურნალისტთან პოლიტიკურ შეფასებას აკეთებს საქართველოს პარლამენტის წევრი, ,,სტრატეგია აღმაშენებლის“ გენერალური მდივანი პაატა მანჯგალაძე:
,,როცა უკრაინა ახერხებს თავისუფლებისთვის ბრძოლას, რეფორმას, ევროპასთან დაახლოებას, საქართველო სად არის?! საქართველო ცდილობს პუტინის, გავრილოვის გულის მოგებას. არ თქვათ ვინმემ, რომ საქართველოს უსაფრთოებისთვის.
არა! არანაირ უსაფრთხოებას რუსეთი საქართველოს არ მოუტანს. პირიქით, რაც უფრო მარტო დარჩება ქვეყანა, უფრო დიდი საფრთხეა, რომ ჯიბეში ისე ჩაიდოს რუსეთმა, რომ ხმის ამომღები არ დარჩეს არავინ.
ამისთვის ამზადებენ, საქართველოს ამზადებენ გა-სა-ყი-დად“, – განაცხადა პაატა მანჯგალაძემ.
ინფორმაციისთვის: ,,The Economist”-ის მიერ გამოქვეყნებულ სტატიაში წერია:
,,სააკაშვილისადმი არასათანადო მოპყრობა ხელს უშლის საქართველოს ევროპასთან ინტეგრაციის პროცესს. კანონის უზენაესობის სხვა დარღვევები მოიცავს ხელისუფლების მიმართ კრიტიკულად განწყობილი ტელეარხის მმართველის, ნიკა გვარამიასთვის თავისუფლების აღკვეთა აშკარად გაყალბებული ბრალდებებით.
პოლიტიკური ოპოზიცია თვალთვალის ქვეშაა.
ევროკავშირისგან წევრობის კანდიდატის სტატუსის მინიჭების თხოვნა საქართველოს გასულ ივნისში უკან დაუბრუნდა“, – წერია სტატიაში.
ავტორი
ნინი ხიჯაკაძე
