რუსეთი საქართველოსთან პოზიტიურ ურთიერთობაზე ღიად ალაპარაკდა. რუსეთის საგარეო საქმეთა მინისტრმა, სერგეი ლავროვმა პირდაპირი ფრენების აღდგენაზე სურვილიც გამოთქვა. მმართველის პარტიის პოლიტიკაზე, ამ საკითხთან დაკავშირებით, კომენტარი გააკეთა საქართველოს პარლამენტის წევრმა, ,,სტრატეგია აღმაშენებლის” გენერალურმა მდივანმა პაატა მანჯგალაძემ:
,,ამაში თუ უნდა გადავიხადოთ თავისუფლების ფასი, ჩვენს გეოპოლიტიკურ არჩევანზე უარის თქმის ფასი – ასეთი ფრენები ჩვენ არაფრად არ გვიღირს.
ეს არის ერთგვარი, ასე ვთქვათ – ჯილდო ,,ქართული ოცნებისთვის”. ეს არის ფოჩიანი კანფეტები, რომლებიც არ უნდა ვიყიდოთ.
ასე ეგონა, თავის დროზე, შევარდნაძესაც. შევიდა ,,დსთ”-ში, დანიშნა 6 რუსეთის გავლენის პირდაპირი აგენტი მინისტრად. რა მიიღო? – 2 ტერაქტი და სამოქალაქო დაპირისპირება.
ამიტომ, რუსეთთან ლიცლიცს, რუსეთთან თამაშს, ეშმაკთან სულის მიყიდვის გზა არ არის საქართველოს გაერთიანების გზა.
,,ქართულ ოცნებას” დაკარგული აქვს რეალობის განცდა, ძალიან გაიტაცა ღალატის სურვილმა. სანამ მუშტი არ მოხვდება ცხვირში ხალხის მხრიდან, მანამდე გააგრძელებენ ამ მოღალატეობრივ პოლიტიკას”, – განაცხადა პაატა მანჯგალაძემ.
ავტორი
ნინი ხიჯაკაძე
