“ქართულმა ოცნებამ” აირჩია რუსეთთან მუხლებზე დგომის, ენით მოჩლექის, ჩირგვებში ჯდომის პოლიტიკა, რაც ძალიან დააზიანებს ქვეყანას – პაატა მანჯგალაძე

საქართველოს პარლამენტის წევრი, ,,სტრატეგია აღმაშენებლის“ გენერალური მდივანი პაატა მანჯგალაძე მწვავე შეფასებას აკეთებს რუსეთის საგარეო საქმეთა მინისტრის, სერგეი ლავროვის მიერ საქართველოსთან მიმართებაში გაკეთებულ განცხადებაზე:

,,ლავროვის ქება-დიდება, ეს იგივეა წარმოვიდგინოთ ძალიან მარტივად, ამას არ სჭირდება პოლიტიკური ფილოსოფია, რომ მურვან ყრუმ, აღა მაჰმად ხანმა, შაჰ-აბასმა გაქოს.

,,ქართულმა ოცნებამ“ ნათლად აღიარებული და დეკლარირებული ევროპული კურსისა, NATO-ში საქართველოს ინტეგრაციისა, აირჩია რუსეთთან მუხლებზე დგომის, ენით მოჩლექის, ჩირგვებში ჯდომის პოლიტიკა, რაც ძალიან დააზიანებს ქვეყანას“, – განაცხადა პაატა მანჯგალაძემ

ინფორმაციისთვის: წლის შემაჯამებელ ბრიფინგზე რუსეთის საგარეო საქმეთა მინისტრმა, სერგეი ლავროვმა განაცხადა, რომ ,,ამ პატარა ქვეყანას და მის მთავრობას აქვს იმდენი გამბედაობა, გაუძლოს დასავლეთის ზეწოლას და იმოქმედონ თავიანთი ინტერესებიდან გამომდინარე“.

ავტორი
ნინი ხიჯაკაძე