“ომიკრონის” ახალი ქვევარიანტი, რომელიც უკვე რამდენიმე თვეა ცირკულირებს მსოფლიოში, ,,კრაკენის“ სახელით მოიხსენიება“ – ივანე ჩხაიძე

მსოფლიოში კორონავირუსის ახალი შტამი ე.წ. ,,კრაკენი“ გავრცელდა, რაზეც ინფექციონისტები მოსახლეობას აფრთხილებენ. სეზონურ ვირუსულ ინფექციებთან დაკავშირებით სპეციალურ ბრიფინგზე კონკრეტულ სეფასებებს აკეთებს პედიატრი, პროფესორი ივანე ჩხაიძე:

,,ომიკრონის“ ახალი ქვევარიანტი, რომელიც უკვე რამდენიმე თვეა ცირკულირებს მსოფლიოში, ,,კრაკენის“ სახელით მოიხსენიება.

იმისათვის, რომ ეს ქვევარიანტი გახდეს შეშფოთების ვარიანტის კატეგორიის, მას უნდა ჰქონდეს 3 თვისება: პირველი – უნდა იყოს უფრო მეტად, უფრო იოლად გადამდები; მეორე – უნდა იწვევდეს უფრო მძიმე დაავადებას; მესამე – უნდა იყოს რეზისტენტული მდგრადი ვაქცინების მიმართ.

აი, ამ სამი თვისებიდან, ,,ომიკრონის“ ამ ახალ ქვევარიანტს მხოლოდ პირველი ახასიათებს. ჯერ-ჯერობით დაავადებათა კონტროლის ეროვნული ცენტრი არ გვაძლევს ინფორმაციას, რომ საქართველოში ეს ქვევარიანტი დაფიქსირდა. თუმცა, რა თქმა უნდა, ამის მოლოდინი ნამდვილად არსებობს“, – განაცხადა ივანე ჩხაიძემ.

ავტორი
ნინი ხიჯაკაძე