უკრაინამ მეგობარ ქვეყნებს და სტრატეგიულ პარტნიორებს ქვეყნისთვის იარაღის მიწოდებისკენ მოუწოდა. ამასთან დაკავშირებით კონკრეტულ ფაქტებზე ახდენს ყურადღების გამახვილებას და კრიტიკულ შეფასებას აკეთებს ფრაქცია „ქართული ოცნების“ თავმჯდომარის მოადგილე, ბექა დავითულიანი:
,,უკრაინულ იარაღთან დაკავშირებით, მათ შორის, აგვისტოს ომის დროს, იყო ძალიან ბევრი მოთხოვნა ამ საქმის გამოძიების მხრივ იმიტომ, რომ ჩვენ გვახსოვს, რაღაცები საერთოდ არ შემოვიდა… საიდუმლო კონტრაქტია – დეტალებში ვერავინ ვერ შედის. რაღაცები, რაც კონტრაქტით იყო გათვალისწინებული, საქართველომდე საერთოდ არ ჩამოსულა. რაღაცები ჩამოვიდა და აღმოჩნდა ვადაგასული.
[აგვისტოს] ომის პროცესში არცერთ ქვეყანას, არცერთი იარაღი არ გადაუცია საქართველოსთვის იმიტომ, რომ საკუთარი ქვეყნებისთვის არ შეექმნათ დამატებითი რისკები.
მოთხოვნა ამ ტონალობით, რა ტონალობითაც ითხოვს, ჩემი აზრით, არც ერთ ეტიკეტში არ ჯდება. რა თქმა უნდა, ეს ყოვლად შეუსაბამოა და უკვე არამეგობრულია ქვეყნის მიმართ, რომლის 20%-ც ოკუპირებული აქვს რუსეთს და რომელსაც არანაირი უსაფრთხოების ქოლგა არ გააჩნია“, – განაცხადა ბექა დავითულიანმა.
ავტორი
ნინი ხიჯაკაძე
