უკრაინის მხარის სურვილს “ბუკის” სისტემების უკან დაბრუნებასთან დაკავშირებით, უარით უპასუხა საქართველოს ხელისუფლებამ. ამ ფაქტს მიხეილ სააკაშვილი კლინიკა “ვივამედი”-დან გამოგზავნილი წერილით/პოზიციით (რომელის მის საკუთარ ფეისბუქის გვერდზე გამოქვეყნდა) ეხმაურება:
“სირცხვილია უკრაინისთვის “ბუკის” სისტემების მიცემაზე უარის თქმა!
პრეზიდენტ იუშჩენკოს დახმარებით ჩვენ ისინი მინიმალურ ფასში ვიყიდეთ თავის დროზე.
როდესაც უკრაინაში იანუკოვიჩი მოვიდა, იუშჩენკოს წინააღმდეგ საქმეც კი აღძრეს ბუკის საქართველოსთვის გადმოცემის გამო და ეს გააკეთეს რუსეთის დავალებით. უფრო მეტიც, ინსტრუქტორი – პოლკოვნიკი მამჩური, რომელიც ბუკის გამოყენებას გვასწავლიდა, რუსეთის აგენტებმა მოკლეს როვნოში 2017 წელს.
ახლა ამერიკელებმა უკრაინას გადასცეს დიდი რაოდენობით რაკეტები ბუკისთვის. რაც მთავარია, ამ ნაბიჯით ჩვენ არა მხოლოდ უკრაინელებს ვუთხარით უარი, არამედ ამერიკელებსაც, მათი ჯაველინების უკრაინისთვის სესხებაზე.
ეს არის ღალატი და ასეთი ღალატის ეპიზოდები მძიმე ლაქად დარჩება საქართველო-უკრაინის ურთიერთობების ისტორიაში“, – აცხადებს მიხეილ სააკაშვილი.