თენგო გოგოტიშვილის მიერ, სოციალურ ქსელში, კათოლიკოს-პატრიარქ ილია მეორესთან დაკავშირებით გამოქვეყნებული პოსტის გამო, მწვავედ უპირისპირდება პოლიტიკის მეცნიერების დოქტორი, ანალიტიკოსი ლევან ნიკოლეიშვილი:
“ამ ახალი წლის პირველ დღეს, 1 იანვარს ადამიანი, თავის ჭკუით საქილიკოდ, სინამდვილეში კი ზიზღის საფრქვევად, რომ მოიცლის ძალიან დასაფიქრებელია. არის ხელმოცარული ხალხის კატეგორია, რომელიც დემოკრატიას ამოფარებული, სიტყვისა და აზრის გამოთქმის თავისუფლების ეგიდით ყველაფერს ამბობს და აკეთებს.
თუმცა აქ მთავარი მაინც იაფფასიანი ყურადღების მიქცევაა, სწორედ ამიტომ კადრულობენ და პატრიარქის, მეფეების, გამოჩენილი მსხიობების, სპორტსმენების, ჩვენი ენის, ისტორიისა და კულტურის ლანძღვას არ ერიდებიან.
ეს ყველაფერი კი ერთ მშვენიერ დღეს უნდა აღიკვეთოს, კანონის მეშვეობით – უბრალოდ დასჯადი უნდა გახდეს! უკადრებლის კადრება არ შეიძლება, ამორალურია!
მეგრელებმა იციან ამ სიტყვის მნიშვნელობა, კარგია თუ სხვებიც შეიგნებენ და გაითავისებენ – ვაშინერს!!!” – წერს ფეისბუქის პირად გვერდზე ლევან ნიკოლეიშვილი.
