“ყველაფერი დადგმულია – სააკაშვილის შემოტანა, როგორც განუბაჟებელი საქონლის, აქედან დაწყებული, გაგრძელებული იმ შოუებით და კონცერტებით, რასაც დღეს ჩვენ ვუყურებთ” – კახა კალაძე

შეიწყალებს თუ არა საქართველოს პრეზიდენტი მიხეილ სააკაშვილს? – აღნიშნულ საკითხთან დაკავშირებით მწვავე შეფასებას აკეთებს თბილისის მერი, კახა კალაძე. მისი განცხადებით, თუ სალომე ზურაბიშვილი შეიწყალებს მე-3 პრეზიდენტს, ეს იქნება მძიმე ნაბიჯი პრეზიდენტის კარიერისთვის:

,,არანაირი კრიტიკული მდგომარეობა არ არსებობს. ეს არის მიზანმიმართული დადგმული სპექტაკლები, რომლის მთავარი შემოქმედი და მონაწილე გახლავთ მიხეილ სააკაშვილი. საერთოდ ყველაფერი დადგმულია – მისი შემოტანა, როგორც განუბაჟებელი საქონლის, აქედან დაწყებული, გაგრძელებული იმ შოუებით და კონცერტებით, რასაც დღეს ჩვენ ვუყურებთ.

ეს არის მიზანმიმართული დადგმული სპექტაკლები, კიდევ ერთხელ ვიმეორებ, რომელსაც ჰყავს თავისი აქტორები, იმართება სხვადასხვა ქვეყნიდან, გაფორმებულია სხვადასხვა კონტრაქტები, ხელშეკრულებები – იმასთან დაკავშირებით, რომ უნდა წარიმართოს პიარ-კამპანია.

თუ პრეზიდენტი მიიღებს [შეწყალების] ამ გადაწყვეტილებას, დარწმუნებული ვარ, ეს იქნება ძალიან მძიმე პირადად მისთვის და ძალიან მძიმე ზოგადად მისი კარიერისთვის. ეს იქნება უმძიმესი გადაწყვეტილება!“ – განაცხადა კახა კალაძემ.

ავტორი
ნინი ხიჯაკაძე