“ჩვენი პოლიტიკური თანამდებობის პირები, პოლიტიკური ელიტა არის სრულად ანტიევროპული” – გიორგი გახარია

50
სააგენტო "პარალელი"

პარტია ,,საქართველოსთვის” თავმჯდომარე გიორგი გახარია გორში, პარტიის წევრებს შეხვდა, სადაც ისაუბრა საქართველოს ევროინტეგრაციის პროცესზე. ყოფილი პრემიერ-მინისტრი მწვავე შეფასებას აკეთებს ქართულ პოლიტიკურ თანამდებობის პირებთან მიმართებაში:

,,თქვენ წარმოგიდგენიათ, აი ეს, ეს… პოლიტიკური თანამდებობის პირები, ყველას არ ვამბობ, რა თქმა უნდა. ამ ხალხმა ძალიან კარგად იცის, რომ როგორც კი იმ კაბინეტიდან გამოვლენ და შრომის ბაზარზე აღმოჩნდებიან ნუ-ლი იქნება მათი ფასი, ნუ-ლი… ნული მეგობრებო, ნული.

ბევრი მათგანი, უბრალოდ ექსპერიმენტი რომ ჩაატაროთ და დღეს აიღო და ამ მაღალი პოლიტიკური თანამდებობიდან კონკურენტულ შრომის ბაზარზე, დატესტო უბრალოდ, გადმოსვა – 500 ლარიან ხელფასს ვერ იშოვის ბევრი მათგანი.

მაშინ, როდესაც საშუალო დონის საჯარო მოხელე არის უაღრესად კომპეტენტური, გამოცდილი, პატრიოტი, კეთილსინდისიერი და თავზე წამოასვამს ეს არაკომპეტენტური, უვარგისი, პოლიტიკური ელიტა. ამაშია დღეს პრობლემა!

დღეს, საქართველოს მოქალაქე არის ბევრად უფრო პროევროპელი, ვიდრე მთავრობა!

დღეს ქართული ბიუროკრატია და საჯარო მოხელე არის ბევრად უფრო კომპეტენტური და პროევროპელი, ვიდრე უკრაინელი ან მოლდოველი, მაგრამ ჩვენი პოლიტიკური თანამდებობის პირები, პოლიტიკური ელიტა არის სრულად ანტიევროპული“, – განაცხადა გიორგი გახარიამ.

ავტორი
ნინი ხიჯაკაძე

კომენტარები პუბლიკაციაზე