პარლამენტი 2022 წლის საშემოდგომო სესიას მიმდინარე კვირის პარასკევს დაასრულებს, თუმცა როგორც პარლამენტის თავმჯდომარემ ბიუროს სხდომაზე აღნიშნა, მუშაობა რიგგარეშე სხდომებზე გაგრძელდება.
„სავარაუდოდ, ჩვენ დაგვჭირდება რიგგარეშე სხდომები მომავალი კვირის ხუთშაბათს და პარასკევს. შესაბამისად, რიგგარეშე სესიის მოსაწვევად მივმართავთ პრეზიდენტს, ვინაიდან დაგვჭირდება საარჩევნო კოდექსში შესატანი ცვლილებების მესამე მოსმენით განხილვა, ასევე, რამდენიმე თანამდებობაზე კანდიდატის ასარჩევად კენჭისყრებია ჩასატარებელი“, – განაცხადა შალვა პაპუაშვილმა.
ინფორმაციას პარლამენტის საზოგადოებასთან ურთიერთობისა და ინფორმაციის დეპარტამენტი ავრცელებს
