ფრაქცია ,,ერთიანი ნაციონალური მოძრაობა – ძალა ერთობაშიას“ თავმჯდომარე ხატია დეკანოიძე პარლამენტში გამართულ ბრიფინგზე კომენტარს აკეთებს ევროპარლამენტარ ანა ფოტიგას მიერ ორგანიზებულ პანელთან დაკავშირებით – „ოლიგარქი, რუსული კავშირები, ომი უკრაინაში და საქართველოს მომავალი“ და მიაჩნია, რომ პარტნიორი ქვეყნების ელჩების მიმართ ხელისუფლების წარმომადგენლების დამოკიდებულება დამაფიქრებელია. ოპოზიციონერი ლიდერი მათ ურჩევს სწორი შეფასებები მისცენ დასავლელი პარტნიორების დამოკიდებულებას საქართველოსთან მიმართებაში:
,,ასეთი ფორმატი, მე ვფიქრობ, უფრო ევროპარლამენტში და ევროპარლამენტარების მიერ გაკეთებული, არის მნიშვნელოვანი განაცხადი იმასთან მიმართებაში, რომ კიდევ უფრო ფართო აუდიტორიას გააგებინონ – საქართველოში ოლიგარქიული მმართველობა არის საფრთხე, მათ შორის რეგიონში, დასავლური ინტერესებისთვის.
ჩვენ ახლა ვხედავთ საქართველოს ხელისუფლების დამოკიდებულებას, მათ შორის, ამერიკის შეერთებული შტატების საელჩოს, ევროკავშირის ელჩის და ზოგადად დასავლეთის მიმართ – მე ვფიქრობ, რომ ეს ნამდვილად დამაფიქრებელია ჩვენი პარტნიორებისთვის.
ვურჩევდი უმრავლესობას, გამოიყენოს google-ის საძიებო სისტემა და კარგად დააკვირდეს რას ნიშნავს ,,ლობისტი“ და რას ნიშნავს საქართველოს მეგობარი,“ – განაცხადა ხატია დეკანოიძემ.
ავტორი
ნინი ხიჯაკაძე
