ხელისუფლებას დეოლიგარქიზაციის კანონის ვენეციის კომისიაში გადაგზავნის რეკომენდაციას აძლევს ევროპარლამენტი. აღნიშნულ საკითხთან დაკავშირებით მმართველი პარტიის ლიდერს, ირაკლი კობახიძეს “სტრატეგია აღმაშენებლის” თავმჯდომარე, გიორგი ვაშაძე მიმართავს:
“მივმართავ ირაკლი კობახიძეს, რომელიც არის პრორუსული პარტიის თავმჯდომარე: არჩევანი გაქვს მარტივი – ან აგზავნი ამ კანონს ვენეციის კომისიაში ან არ აგზავნი, რაც ნიშნავს, რომ პირდაპირ უარს ამბობთ ევროკავშირის კანდიდატი ქვეყნის სტატუსზე. მორჩა, დამთავრდა, წერტილი.
ყველა სახის სპეკულაცია უნდა დამთავრდეს ამ საკითხთან დაკავშირებით.
ნურაფერს ელოდებით უკრაინიდან – კანონთან დაკავშირებით ვენეციის კომისიის მხრიდან არაფერი არ იქნება, ამ დროის მდგომარეობით ასეთი ვითარებაა,” – აცხადებს გიორგი ვაშაძე.