აგვისტოს თვეში პარტია “სტრატეგია აღმაშენებლის” ქუთაისის საკრებულოს წევრის კობა გურულის მიერ დაყენებული ინიციატივა შესრულდა. კერძოდ უკრაინელი დევნილებისათვის მიღებული იქნა გადაწყვეტილება ქალაქის მუნიციპალური ტრანსპორტით უფასოდ მგზავრობის შესახებ!
ჩვენდა წილად ყველანი ვალდებული ვართ მივიღოთ მონაწილეობა ამ ომში ბოროტების იმპერიის წინააღმდეგ! ამიტომ დავეხმაროდ უკრაინის მოქალაქეებს ჩვენი ვალია ამავე დროს ჩვენი სამშობლოს წინაშეც!
საყურადღებო ფაქტია, რომ აღნიშნულ განცხადებას მმართველი გუნდიდანაც სრული მხარდაჭერა მოჰყვა!
ამ მართლაც ჰუმანურ და ღირსეულ გადაწყვეტილებასთან დაკავშირებით, სააგენტო “პარალელთან” კომენტარი გააკეთა კობა გურულმა:
“სიტყვა საქმედ ქცეული!
დღეს, როდესაც ბრძოლა მიდის ცივილურ, პროგრესული სამყაროსა და ბოროტებას შორის რასაც რუსული ბოროტების იმპერია ჰქვია, ჩვენ ვალდებული ვართ რაღაც ფორმით, ჩვენდა წილად ამ ბრძოლაში დავდგეთ ნათელ მხარეს, იმ მხარეს, რასაც ჯანსაღი განვითარებული და პროგრესული ხვალინდელი დღე ჰქვია.
ჩვენი გუნდის ინიციატივით გადაწყვეტილება შედეგამდე მივიდა. უკრაინელ დევნილ მოქალაქეებს გადაეცათ უფასოდ სამგზავრო ბარათები ქუთაისის მუნიციპალურ ტრანსპორტში სამგზავროდ.
ინიციატივას ერთხმად დაუჭირა მხარი ქ. ქუთაისის მუნიციპალიტეტის საკრებულომ! ეს ჯანსაღი და კონსტრუქციული ერთხმოვანებაა ამ კეთილ საქმეში!” – აღნიშნა კობა გურულმა.
