ქუთაისის საკრებულოსა და პარტია ,,სტრატეგია აღმაშენებლის” წევრი კობა გურული ,,Mega Tv”-ის გადაცემაში ,,მთავარი” საუბრობს ქვეყანაში არსებულ ეკონომიკური მდგომარეობის შესახებ. საკრებულოს ოპოზიციონერი დეპუტატი კონკრეტულად ასახელებს იმ ძირითად ფაქტორებს, რის ხარჯზეც ხდება მანიპულირება ეკონომიკური აღმავლობის წარმოჩენის მიზნით:
,,ეკონომიკური აღმავლობა გვაქვს ციფრებით, მაგრამ რისგან გამოდის და რის ხარჯზე შედგება?! მე მინდა ნათელი მოვფინო და სიმართლე ვუთხრა ჩემს ამომრჩეველს.
ეკონომიკური კეთილდღეობა და ზრდა – ეს არის ციფრებით მანიპულირებით, რომ მოგვაჩვენონ თითქოს ყველაფერი კარგად არის. რეალურად კი, ხარჯისთვის, თქვენი ჯიბიდან ამოდის უფრო მეტი. პენსიონერი დგას აფთიაქსა და სურსათის მაღაზიას შორის, აკეთებს არჩევანს – ამოიღებს ბოლო ხურდებს, გადათვლის და ფიქრობს – რა ვქნა დღეს? წამალი ვიყიდო თუ ერთი პური? – აი, ამ მდგომარეობაში ვართ. ამიტომ სიმართლე უნდა ვუთხრათ ხალხს.
სიმართლე იცით რა არის? – ეკონომიკური ზრდა, კეთილდღეობა გვაქვს, წინ მივდივართ – კი ბატონო, ციფრებით, მაგრამ თქვენი ჯიბისა და გაღარიბების ხარჯზე.
რეალობა არის ერთი რამ, ჩემო თანაქალაქელებო, ეკონომიკური ზრდა ქვეყანაში არის ციფრებით, მაგრამ ეს არის მანიპულირება.
რეალურად ჩვენი ქვეყნის ეკონომიკა ძლიერდები ქაღალდის ფურცელზე, ძლიერდება რაღაც ციფრებით და არა ახალი საწარმოების, ინვესტიციების, ტრანზაქციების ხარჯზე – ეს არაფერი არ გვაქვს.
მიმდინარე წლის აგვისტოში, გასული წლის აგვისტოსთან შედარებით მარტო ერთ თვეში, ჩვენ საქართველოს მოსახლეობამ 15 მილიონით უფრო მეტი შევიტანეთ ბიუჯეტში მარტო იმის ხარჯზე, რომ ვყიდულობთ საავტომობილო ბენზინს 1 ლარით გაძვირებულს, რადგანაც ჩვენს მიერ გადახდილ ღირებულებაში ავტომატურად ჩადებულია დღგ 18%.
[გადაცემის წამყვანის განმარტება] – ოპონენტმა ახლა შეიძლება გითხრათ, რომ გაძვირება მოხდა საწვავის შემოტანის გაძვირების გამო – შარშანდელთან შედარებით წელს გაძვირდა – ასეთ დროს რას ვაკეთებთ?
სახელმწიფოს შეუძლია გადახედოს აქციზს და გაგვიაფოს, ამ მდგომარეობის ფონზე, როდესაც არის ასეთი კრიზისი, გააკეთოს თვეების მიხედვით ჩაშლა, რომ შემცირდეს რაღაც დონეზე აქციზი.
მე რა გავაკეთო, ჩვენმა თანამოქალაქეებმა, როდესაც, დავუშვათ, პედაგოგს ხელფასი ჰქონდა 600 ლარი, დღესაც აქვს იგივე. თუ ქვეყანა და სახელმწიფო არ ემსახურება ხალხის ინტერესებს, მაშინ რა ქნას ამ ხალხმა?!
შენ იმიტომ ხარ ხელისუფალი, რომ შენ უნდა მოიფიქრო, უნდა გყავდეს ექსპერტები, ეკონომისტები, ის გუნდი, რომელიც დღე და ღამე იფიქრებს არა იმაზე, როგორ მოვაჩვენოთ ხალხს თავი, რომ აი ეს ხდება, არამედ იმაზე, რომ იმ 600 ლარიანი ჩვენი თანამოქალქის მდგომარეობა არ გაგვიუარესდეს. ამაზე მაქვს საუბარი. ეს არის ჩვენი მთავარი ამოცანა“, – განაცხადა კობა გურულმა.
ავტორი
ნინი ხიჯაკაძე
