“სანამ ადგილობრივი მოსახლეობა არ იქნება მომთხოვნი თავიანთი მერების და საკრებულოების მიმართ, იქნება ეს ვაქხანალია და ბიუჯეტის ძიძგვნა” – გიორგი ხაბურზანია

ადგილობრივ თვითმმართველობებში არსებულ განუკითხაობაზე საუბრობს და მუნიციპალიტეტების დონეზე დეცენტრალიზაციის აუცილებლობას ხედავს პარტია “სტრატეგია აღმაშენებლის” პოლიტიკური საბჭოს წევრი, გიორგი ხაბურზანია.

“თუ მმართველობის სისტემა არ შეიცვლება, ამ ქვეყანაში და თვითმმართველობების დეცენტრალიზება არ მოხდება, ყოველთვის ვიქნებით ამ ბიუჯეტის მხრელების და წურბელების შემყურე, ადგილებზე!!!

ხარაგაული მრავალთაგანის ერთერთი გამოვლინებაა.

დღეს მერები და საკრებულოები ვერ გრძნობენ იმ პაუხისმგებლობას, რაც რეალურად განპორობებულია იმ მარაზმი მართველობის სისტემით, რაც ქვეყანაში გვაქვს, როცა თვითმმართველობა მხოლოდ ცენტრალურ ხელისუფლებას შეჰყურებს და თვითონ არაფერს აკეთებს ხელფასის აღების თუ ფინანსები განაწილების გარდა. და კი ვხედავთ როგორც ნაწილდება ადგილებზე ფინანსები – საჯარი მოხელეებზე, პარტაქტივზე, მათ ნათესავებზე და ა.შ.

სანამ დეცენტრალიზება არ მოხდება, პასუხისმგებლობას არ დავაკისრებთ მერებს და საკრებულოებს და სანამ ისინი არ იფიქრებენ, როგორ განავითარონ ადგილზე თავიანთი ეკონომიკა და შემოსავლები; სანამ ადგილობრივი მოსახლეობა არ იქნება მომთხოვნი თავიანთი მერების და საკრებულოების მიმართ, ადგილობრივ ,,თვითმმართველობებში” მხოლოდ ეს ვაქხანალია და ბიუჯეტის ძიძგვნა იქნება, – აცხადებს გიორგი ხაბურზანია.

ინფორმაციისთვის: მედიაში გასული რეპორტაჟის თანახმად, ხარაგაულის საკრებულოს თავმჯდომარის მოადგილის ოჯახზე დაინიშნა სოციალური დახმარება, რასთან დაკავშირებითაც გამოითქვა პროტესტი ოპოზიციის მხრიდან, გაკეთდა განმარტებები, რომ აღნიშნული ოჯახის ყოველთვიური შემოსავალი 4 ათასი ლარია და მათზე მეტად სხვები იმსახურებდნენ დახმარებას რაიონში.