უკრაინამ ჩრდილოატლანტიკურ ალიანსში დაჩქარებული შესვლის შესახებ განცხადებას ხელი მოაწერა. დოკუმენტს ხელი მოაწერეს უკრაინის უმაღლესი თანამდებობის პირებმა – პრეზიდენტმა ვოლოდიმირ ზელენსკიმ, მთავრობის მეთაურმა დენის შმიგალმა და პარლამენტის თავმჯდომარემ რუსლან სტეფანჩუკმა. აღნიშნულ ფაქტთან დაკავშირებით ოფიციალური განცხადება გააკეთა ვოლოდიმირ ზელენსკიმ, რომელიც პრეზიდენტის ოფიციალურ გვერდზე გავრცელდა:
“დე ფაქტო ჩვენ უკვე გავიარეთ ჩვენი გზა NATO-ში.
დე ფაქტო ჩვენ უკვე დავამტკიცეთ ჩრდილოატლანტიკური ალიანსის სტანდარტებთან ჩვენი შესაბამისობა. ისინი რეალურები არიან უკრაინისთვის – რეალურებია ბრძოლის ველზე და ჩვენი ურთიერთობის ყველა ასპექტში.
ჩვენ ვენდობით, ვეხმარებით და ვიცავთ ერთმანეთს. და ეს არის ჩრდილოატლანტიკური ალიანსი.
დე ფაქტო. დღეს უკრაინა განაცხადს აკეთებს, რომ ეს დე იურე გაგავხადოთ. პროცედურით, რომელიც შეესაბამება ჩვენს მნიშვნელობას ჩვენი თანამეგობრობის დასაცავად. დაჩქარებული წესით.
ჩვენ ვიცით, რომ ეს შესაძლებელია. ვნახეთ, თუ როგორ დაიწყეს ალიანსთან მიერთების პროცესი წევრობის სამოქმედო გეგმის გარეშე.
ეს სამართლიანია. სამართლიანია უკრაინისთვისაც.
უსაფრთხეობას ალტერნატივა არ აქვს. მაგრამ საჭიროა სიმტკიცე, რომ იგი გარანტირებული იყოს.
უკრაინის NATO-ში სწრაფი გაწევრიანების განაცხადის ხელმოწერით ჩვენ განმსაზღვრელ ნაბიჯს ვდგამთ.
ვასრულებთ რუსული გავლენის დემონტაჟს უკრაინაზე, ევროპასა და მსოფლიოზე.
დიდება უკრაინას!” – აცხადებს ვოლოდიმირ ზელენსკი.