“ფუნდამენტური განსხვავება ჩვენს შორის არ ყოფილა” – ბადრი ჯაფარიძე ოპოზიციასა და არასამთავრობო სექტორს შორის გამართულ კონსულტაციებზე

ოპოზიციასა და არასამთავრობო სექტორს შორის კონსულტაციები გაიმართა. ორივე მხარე შეთანხმდა საბოლოო კანონპროექტზე, რომელიც ევროსაბჭოს 12 პუნქტიანი რეკომენდაციის შესასრულებლად მთავარი ნაბიჯი იქნება. შეხვედრის დასრულების შემდეგ დეტალებზე ჟურნალისტებთან ისაუბრა პარტია ,,ლელოს“ გენერალურმა მდივანმა ბადრი ჯაფარიძემ:

,,ფუნდამენტური განსხვავება ჩვენს შორის არ ყოფილა. აქ საუბარია იმაზე, რომ ახლა აუცილებელია გამოვიდეთ რეკომენდაციების შესრულების პრიორიტეტიდან.

არსებობს სტრატეგიული მიზნები მართლმსაჯულების რეფორმირების კუთხით და ის დროში გაწერილია, მაგრამ ჩვენ პირველ რიგში, უნდა ამოვიდეთ ამ რეკომენდაციების შესაბამისად შეჯერებული პოზიციის შემუშავებაზე. ამას ჩვენ მივაღწიეთ.

ჩვენს შორის არანაირი ფუნდამენტური განსხვავებები არ ყოფილა“, – განაცხადა ბადრი ჯაფარიძემ.

ავტორი
ნინი ხიჯაკაძე