“სტრატეგია აღმაშენებლის” თავმჯდომარე NDI-ის მიერ გამოქვეყნებულ კვლევებს ეხმიანება. როგორც გიორგი ვაშაძე აცხადებს მონაცემების მიხედვით “სტრატეგია აღმაშემებლის” რეიტინგი გაზრდილია, რაც საზოგადოების მხარდაჭერიდან არის გამოწვეული:
“ეს არის სრული სურათი იმის, რაც დღეს საქართველოში ხდება.
მოსახლეობისთვის ნომერ პირველი პრიორიტეტი ახლა არის ,,ევროკავშირის” კანდიდატის სტატუსის მიღება.
მეორე მხრივ ამ იდეას უპირისპირდება პრორუსული ,,ქართული ოცნება” და ამ კვლევებში ჩანს, რომ რუსული გავლენები გაზრდილია.
მესამე, სწორედ ისეთ პოზიციებს, როგორიც აქვს ,,სტრატეგია აღმაშენებელს”, აქვს მხარდაჭერა საზოგადოებაში იმიტომ, რომ ჩვენ ვართ პატრიოტები, პრინციპულები და თანმიმდევრულები.
ღია კითხვარშიც კი ჩვენი რეიტინგი, არის გაზრდილი და ზოგიერთი პარტია, ვინც ჩვენს წინ იყო გამქრალია ამ რეიტინგებიდან.
რატომ?! იმიტომ, რომ დღეს ჩვენ სამშობლო გვიხმობს და ჩვენი ქვეყნის გადარჩენაზე, ვინც კომპრომისულად მუშაობს ის ყოველთვის პოლიტიკიდან გაიწევა, ვინც პრინციპულია, თანმიმდევრულია, მას მხარდაჭერა ექნება.
მე მჯერა, რომ ამ კვლევიდან გამომდინარე, ჩვენ ერთ დიდ ეროვნულ ერთობას შევძლებთ, რომელიც მიგვიყვანს ევროკავშირის კანდიდატის სტატუსამდე, სიღარიბის დაძლევამდე იმიტომ, რომ ,,ევროკავშირი” არის ორი რამ – უსაფრთხოება/მშვიდობა და მეტი ფული საქართველოს, რაც დაძლევს სიღარიბეს. აი ეს პრობლემები ჩანს სწორედ ამ კვლევაში,” – აცხადებს გიორგი ვაშაძე.
ინფორმაციისთვის: NDI-ის მიერ გამოქვეყნებულ კვლევებში მხოლოდ 4 პარტია მოხვდა და მათგან პარტია “სტრატეგია აღმაშენებელი” მე-3 ადგილზე გავიდა
ინფორმაციას პოლიტიკური პარტია “გიორგი ვაშაძე – სტრატეგია აღმაშენებლის” და საპარლამენტო ფრაქცია “რეფორმების ჯგუფის” მედიასთან და საზოგადოებასთან ურთიერთობის სამსახური ავრცელებს
შეგახსენებთ, რომ ორგანიზაცია NDI-ის მიერ დღეს გამოქვეყნდა ჩატარებული კვლევის შედეგები, მათ შორის პოლიტიკური ნაწილი, პოლიტიკურ პარტიებთან მიმართებაში
