კლინიკა “ვივამედში” შვილის, მიხეილ სააკაშვილის მონახულების შემდეგ “ტვ პირველის” ჟურნალისტთან კომენტარი გააკეთა გიული ალასანიამ. მისი შეფასებით მე-3 პრეზიდენტის ჯანმრთელობის მდგომარეობა მძიმეა და მოლოდინია რომ დროულად უნდა გაიცეს ლიცენზია ექსპერტებზე, რომლებიც ჩაატარებენ შესაბამის კვლევას და შემდეგ მოხდება საბოლოო გადაწყვეტილების მიღება:
„ყოველდღე სუსტდება. ვხედავ იმას, რომ პრაქტიკულად წამოდგომა უჭირს, მერე დაჯდომა უჭირს. როცა ადგება, ერთ ნაბიჯს რომ გადადგამს უკვე ქანაობს. რატომ ქანაობ მეთქი? “მექანავება” – გამომიცხადა.
სიახლე ის არის, რომ ექსპერტებმა უნდა მიიღონ ლიცენზიები. რაღაცა თითქოს ჩასწორდა, ვნახოთ ახლა როდის დაინიშნება სხდომა, რომელიც მე ძალიან მეჩქარება, უკვე დიდი ხანია მეჩქარება.
იმედია რომ ეს ყველაფერი ოპერატიულად იქნება და ალბათ ჩამოვლენ ექსპერტებიც. ორი ადამიანი აპირებს ჩამოსვლას“, – აღნიშნავს გიული ალასანია.
