ბოლო დროს ბიზნესის სხვადასხვა წარმომადგენლები პროფესიული სამუშაო ძალის დეფიციტზე აქტიურად საუბრობენ. საქართველოს ბიზნეს ასოციაციის აღმასრულებელი დირექტორის ლევან ვეფხვაძის განცხადებით ბიზნესის 72%-ს კვალიფიციური კადრების უკმარისობა გააჩნია.
ძირითადად სამუშაო ძალა არ ჰყოფნით სტუმარ-მასპინძლობის, სამშენებლო, სამედიცინო, საავიაციო და აგრარულ სექტორებს.
„კოკა–კოლა ბოთლერს ჯორჯია“ს დამფუძნებლის თემურ ჭყონიას განმარტებით, მათ ეს პრობლემა კომპანიაში ჰქონდათ, მაგრამ გარკვეული ძალისხმევის შედეგად ყველაფერი მოაგვარეს.
რესტორანი “ჩვენის” დამფუძნებელი გურამ ბაღდოშვილის აზრით უცხოეთში კადრების გადინების მიზეზი ჩვენს ქვეყანაში უიმედობა და ეკონომიკური სიტუაციაა.
სხვადასხვა ბიზნესის წარმომადგენლების მხრიდან კადრების დეფიციტის მიზეზად პირველ რიგში პანდემიით გამოწვეული სირთულეები სახელდება. ასევე ყურადღება მახვილდება შრომის დაბალ მოტივაციაზე, მცირე ანაზღაურებაზე, განათლებისა და კვალიფიკაციის დაბალ დონეზე, სამუშაო პირობებზე.
ამ თემასთან დაკავშირებით კვლევა ჩაატარა ჩვენი სააგენტო “პარალელის” ექსპერტ–ანალიტიკოსმა ალექსი ნონიაძემ და მასალას შეგიძლიათ ვრცლად გაეცნოთ:
