“ეს არის ბელორუსიის და რუსეთისკენ გადადგმული საკანონმდებლო ცვლილება და არა ევროპული რეკომენდაციების შესრულებისკენ” – პაატა მანჯგალაძე

საქართველოში აშშ-ს საელჩო პარლამენტის მიერ მოსმენების კანონზე პრეზიდენტის ვეტოს დაძლევას, ამასთან დაკავშირებით საქართველოში აშშ-ს საელჩოს მწვავე განცხადებას ეხმაურება და პოლიტიკურ შეფასებას აძლევს პარლამენტის წევრი, ,,სტრატეგია აღმაშენებლის“ გენერალური მდივანი პაატა მანჯგალაძე:

,,ეს არის მიზანმიმართული ქმედება!

აქვე უნდა ვიცოდეთ, როგორც კანდიდატის სტატუსის მიღებისთვის მოხდა ,,მთავარი არხის“ დამფუძნებლის ნიკა გვარამიას მიზანმიმართულად დაკავება, რომ ერთი ხელით თითქოს ევროპაში მიდიოდნენ, მეორე ხელით – ჩაიდინეს აქტი, რომელმაც რეპუტაციულად დააზიანა საქართველოს დემოკრატია – იგივე ქმედება არის.

ეს არის ფარული მოქმედება, ფარული ხელი. სინამდვილეში ,,ქართულ ოცნებას“ საქართველო მიჰყავს რუსეთისკენ. ეს არის ბელორუსიის და რუსეთისკენ გადადგმული საკანონმდებლო ცვლილება და არა ევროპული რეკომენდაციების შესრულებისკენ“, – განაცხადა პაატა მანჯგალაძემ.

“პარლამენტის გადაწყვეტილება, გამიზნულად მიეღო მოსმენების შესახებ კანონი, არ არის თანხვედრაში ევროპულ სტანდარტებთან” – საქართველოში აშშ-ს საელჩო

ავტორი
ნინი ხიჯაკაძე