“აქ გადის გამყოფი ხაზი – ჩვენ ვართ საბჭოთა მემკვიდრეობაში თუ გადავდივართ მართლაც ევროპულ სისტემაში?” – სალომე ზურაბიშვილი

66

საქართველოს პრეზიდენტი სალომე ზურაბიშვილი საგანგებო ბრიფინგზე ვრცელ განცხადებას აკეთებს ქვეყნაში არსებული ფარული მოსმენა-მიყურადების ფაქტებთან დაკავშირებით:

,,არის საკითხები, როდესაც ვეტო ატარებს ძალიან მაღალ პოლიტიკურ ნიშანს. პოლიტიკური არა როგორც აქ ესმით – პოლიტიზირებული, არამედ პოლიტიკური იმიტომ, რომ ეს ეხება სისტემას. რა თუ არა მოსმენები, ეხება ჩვენს დღევანდელ და ხვალინდელ სისტემას. აქ გადის გამყოფი ხაზი – ჩვენ ვართ საბჭოთა მემკვიდრეობაში კიდევ თუ გადავდივართ მართლაც ევროპულ სისტემაში? არის დაცული ჩვენი პირადი ცხოვრება მოსმენებისგან თუ არ არის?!

ჩვენ ვიცით, რომ ვცხოვრობთ ჯერ კიდევ ქვეყანაში, სადაც ყველანი სადმე რომ შევდივართ და რამის საუბარი გვინდა, ვფიქრობთ იმაზე, რომ ტელეფონი დავიტოვოთ თუ გავიტანო?! მერე ვძლევთ ამას და ვამბობთ, რომ ჯანდაბას, იყოს ეს ტელეფონი და მოუსმინონ, რასაც უნდათ.

ეს არ არის ევროპული ცხოვრება!

იმ ფორმით, რომლითაც იყო მიღებული ეს ცვლილებები არადასაბუთებული, აჩქარებული წესით, არაინკლუზიური კონსულტაციებით, არავინ იქნა ჩართული ამ პროცესში, ეს ყველაფერი აჩენს ახალ ეჭვს, რომ ეს არის კიდევ და მხოლოდ ძალაუფლების გამყარებისთვის მიღებული ცვლილებები, რომ მოსმენები გახდეს კიდევ ერთხელ, როგორც ამ ქვეყანაში ვართ მიჩვეული, ძალაუფლების ერთ-ერთი ძლიერი ბერკეტი“, – განაცხადა სალომე ზურაბიშვილმა.

ავტორი
ნინი ხიჯაკაძე

კომენტარები პუბლიკაციაზე