“ოპო-ტელევიზიებო და რადიკალებო, თქვენ არ გლოვობთ გორბაჩოვს, მსოფლიო ლიდერებს ხომ არ ჩამორჩით?” – ლევან ნიკოლეიშვილი

მიხეილ გორბაჩოვის გარდაცვალებას სოციალურ ქსელში გამოქვეყნებული პოსტით ეხმაურება პოლიტიკის მეცნიერების დოქტორი, ანალიტიკოსი ლევან ნიკოლეიშვილი:

“მსოფლიო ლიდერები გორბაჩოვის გარდაცვალებას ეხმაურებიან და ისეთ სინანულს გამოთქვამენ, რომ ჩვენ ქართვლებმა რომ არ ვიცოდეთ ვინ იყო მიხეილ გორბაჩოვი ცოტაც და ალბათ შევცდებოდით:

ეს თქვენითვის იყო დემოკრატი, სანდო და გამორჩეული ლიდერი, ჩვენთვის კი გორბაჩოვი საქართველოში და კავკასიაში სეპარატიზმისა და კონფლიქტების ფუძემდებელი, და 1989 წლის 9 აპრილის სისხლიანი კალოს ორგანიზატორი, ჩვენი ქალების მესანგრეთა ნიჩბებით დახოცვის ბრძანების გამცემი, მტარვალი და აფერისტი. ვერ ვიგლოვებთ ქართველები გორბაჩოვს დასავლეთის ლიდერებისგან განსხვავებით, უბრალოდ მის ჯოჯოხეთისკენ მიმავალ სულს მეტ სიტყვებს აღარ დავაწევ, თორემ რისი თქმაც შეიძლებოდა კიდევ ალბათ კარგად ხვდებით!

p.s. კინაღამ დამავიწყდა, ოპო-ტელევიზიებო და რადიკალებო, თქვენ არ გლოვობთ გორბაჩოვს, მსოფლიო ლიდერებს ხომ არ ჩამორჩით?” – წერს ფეისბუქის პირად გვერდზე ლევან ნიკოლეიშვილი.

ინფორმაციისთვის: 91 წლის ასაკში გარდაიცვალა საბჭოთა კავშირის კომპარტიის უკანასკნელი გენერალური მდივანი და ამავე ქვეყნის პირველი პრეზიდენტი მიხეილ გორბაჩოვი.