,,ქართული ოცნება – დემოკრატიული საქართველოს“ თავმჯდომარე ირაკლი კობახიძე მწვავე კომენტარს აკეთებს ამერიკის საელჩოს მხარდამჭერ წერილზე არასამთავრობო ორგანიზაცია ,,სამართლია არჩევნებთან“ (ISFED) მიმართებაში:
,,საელჩოს განცხადება ISFED-თან დაკავშირებით, როგორც თავადვე უყვართ ხოლმე თქმა – შოკისმომგვრელია ჩემთვის, ერთი მარტივი მიზეზის გამო – ISFED იყო ,,პი-ვი-ტი“-ს გაყალბებაში აქტიურად ჩართული.
ამის შემდეგ ჩვენ ვხედავთ ISFED-ს უკვე პარლამენტის წინ აღმართულ სცენაზე, საიდანაც გაისმის, მათ შორის, მათი მხრიდან პოლიტიკური მოთხოვნა მთავრობის გადადგომასთან და ე.წ. ტექნიკურ მთავრობის ჩამოყალიბებასთან დაკავშირებით.
ანუ აქაც ISFED მოგვევლინა რევოლუციური პროცესის უშუალოდ თანამონაწილედ. სრული ლუსტრაციის შემდეგ, როდესაც საელჩო ISFED-ს უწოდებს ერთ-ერთ ყველაზე სანდო ორგანიზაციას და მის მიმართ გამოთქვამს ასეთ სურვილს, რომ იყოს ჩართული სამუშაო პროცესში, ეს ჩვენთვის არის ბუნებრივია გასაკვირი.
ISFED-ს აქვს გამოხატული პოლიტიკური მიზანი. ეს მიზანი არის მათ შორის რევოლუციურ პროცესებში მონაწილეობა. ასეთ დროს, ბუნებრივია, ნებისმიერი შეთავაზება აზრს კარგავს, რა თქმა უნდა. გამორიცხულია ამის შემდეგ ISFED ჩაერთოს რომელიმე სამუშაო პროცესში“, – განაცხადა ირაკლიი კობახიძემ.
ავტორი
ნინი ხიჯაკაძე
