დღეს ბათუმის საკრებულომ ბათუმის ბულვარის განაშენიანების გენერალური გეგმა დაამტკიცა. დოკუმენტის მნიშვნელობას სოციალურ ქსელში გამოეხმაურა აჭარის მთავრობის თავმჯდომარე თორნიკე რიჟვაძე.
,,ბათუმის ბულვარს, ქალაქის მთავარ სავიზიტო ბარათს, პირველად ისტორიის მანძილზე აქვს დაცვისა და განაშენიანების გეგმა, რომელიც მისი ლანდშაფტური, არქიტექტურული და კულტურული ღირებულებების შენარჩუნების და განვითარების გარანტია.
განაშენიანების გეგმა მოაწესრიგებს ბულვარში არსებულ გამოწვევებს და მომავალში ვერავინ შეძლებს უხეშ ჩარევას ბულვარის განვითარებაში“, – აღნიშნულია განცხადებაში.
ინფორმაციას აჭარის ა.რ. მთავრობის პრესცენტრი ავრცელებს
კომენტარები - დატოვეთ თქვენი მოსაზრება