“მე ვფიქრობ, რომ აუცილებელია მისი მკურნალობა საზღვარგარეთ” – მეუფე ნიკოლოზი მიხეილ სააკაშვილზე

ახალქალაქის, კუმურდოსა და კარის მიტროპოლიტმა მეუფე ნიკოლოზმა (ფაჩუაშვილი) საქართველოს მე-3 პრეზიდენტი კლინიკა ,,ვივამედში“ მოინახულა. შეხვედრის შემდეგ ჟურნალისტებთან გაკეთებულ კომენტარში მეუფე აღნიშნავს, რომ თუ როგორ გაგრძელდება მიხეილ სააკაშვილის მკურნალობა – ეს პოლიტიკური გადაწყვეტილებაა:

,,რომ შევედი რაც დავინახე – მე ასეთი გამხდარი არასდროს მინახავს. ვუთხარი, რომ სასოწარკვეთილება ახლოს არ უნდა გაიკაროს იმიტომ, რომ სასოწარკვეთილება არის ეშმაკის.

ადამიანი, რაც აქ გადმოვიდა, 11 კილო დაიკლო. დაიკლო, ავადმყოფობით ოღონდ და ეს ავადმყოფობის გამოა.

აბსოლუტურად წმინდა წყლის პოლიტიკური გადაწყვეტილებაა, თუ როგორ გაგრძელდება მიხეილ სააკაშვილის მკურნალობა!

ერთადერთი, რაღაც შემიძლია ვთქვა, ჩემს თავზე რაც მაქვს გამოცდილი – ჩვენ არ ვართ ისეთი განვითარებული ქვეყანა, რომ ნებისმიერი დაავადების მკურნალობა ქვეყნის შიგნით იყოს შესაძლებელი.

ამიტომ მე ვფიქრობ, რომ აუცილებელია მისი მკურნალობა საზღვარგარეთ’’, – განაცხადა მეუფე ნიკოლოზმა.

ავტორი
ნინი ხიჯაკაძე