“ევროპული სტქრუქტურები ენდობიან საქართველოს ხელისუფლებას და ჩვენ ქვეყანას” – ანრი ოხანაშვილი

პარლამენტის იურიდიულ საკითხთა კომიტეტის თავმჯდომარე ანრი ოხანაშვილი კომენტარს აკეთებს ევროსაბჭოს 12 რეკომენდაციის შესასრულებლად შექმნილ სამუშაო ჯგუფებთან დაკავშირებით და იმ ძირითად საკითხებზე, თუ რაში გამოიხატება ევროპელი პარტნიორების ნდობა საქართველო მიმართ:

,,ევროკომისია როდესაც ენდობა ხელისუფლებას, როდესაც ,,ქართული ოცნების“ ხელისუფლების პიროებებში, ევროკომისიის და ევროპული სტრუქტურების გადაწყვეტილებით, ქვეყანას მიენიჭა უვიზო მიმოსვლის რეჟიმი, ასოცირების დღის წესრიგი, თავისუფალი სავაჭრო მიმოსვლა, ევროპული პერსპექტივა – ეს ნიშნავს იმას, რომ ევროპული სტქრუქტურები ენდობიან საქართველოს ხელისუფლებას და ჩვენ ქვეყანას.

თუ კი ,,ნაციონალური მოძრაობა“ არ ენდობა ვინმეს, ეს არის მათი პრობლემა. ის ხალხი, ვინც ჩართულია და მონაწილეობს სამუშაო ჯგუფებში, ვერავინ იტყვის იმას, რომ რაიმე წინადადების დაფიქსირების საშუალება არ მიეცათ.

პროცესი არის გამჭვირვალე და ინკლუზიური, ამიტომ ქალბატონ ხატიას და ბატონ კუბილიუსს ვურჩევ, რომ გაეცნონ სამუშაო ჯგუფის ფორმატებს და ევროკომისიის გადაწყვეტილებას, სადაც პრაქტიკულად ამ 12 პუნქტიანი გეგმით, ჩვენი ქვეყნისადმი გამოცხადებულია ნდობა’’, – განაცხადა ანრი ოხანაშვილმა.

ავტორი
ნინი ხიჯაკაძე