პარტია ,,ქართული ოცნება – დემოკრატიული საქართველოს“ თავმჯდომარე ირაკლი კობახიძე საზოგადოებრივი მაუწყებლის ეთერში მწვავე კრიტიკულ შეფასებას აკეთებს ევროკავშირის უკვე ყოფილ ელჩ კარლ ჰარცელთან მიმართებაში. საპარლამენტო უმრავლესობის წევრი დასავლელ დიპლოპატს სახელმწიფო სუვერენიტეტის მიმართ უდიერ დამოკიდებულებაში ადანაშაულებს:
,,როდესაც რთულდებოდა ხოლმე პოლიტიკური ვითარება, როდესაც გარკვეული მოლაპარაკებები წარიმართებოდა, მას [კარლ ჰარცელს] ყოველთვის ეჭირა ისეთი პოზიცია, რომელიც ეწინააღმდეგებოდა, პირდაპირ ვიტყვი, სახელმწიფოს ინტერესებს.
ის გამოირჩეოდა ისეთი განცხადებებით, რომლებიც აჩვენებდა უდიერ დამოკიდებულებას სახელმწიფოს სუვერენიტეტის მიმართ. ჩვენ გვიწევდა ჩვენი სახელმწიფოს ღირსების დაცვა, მის წინააღმდეგ, ძირითადად ეს ხდებოდა კულისებში.
ეს ვუთხარი ერთ-ერთ დახურულ შეხვედრაზე ჩვენს კოლეგებს, უცხოელ პარტნიორებს. ის მოქმედებდა სინამდვილეში არა როგორც დიპლომატი, არამედ როგორც პოლიტიკოსი“, – განაცხადა ირაკლი კობახიძემ.
ავტორი
ნინი ხიჯაკაძე
