„საერთაშორისო გამჭვირვალობა – საქართველომ” და „სამართლიანმა არჩევნებმა” შეისწავლეს კონკრეტული მასალები და საზოგადოებას წარუდგინა თავისი შეფასებები არჩევნების გაყალბების სქემაზე. ამასთან დაკავშირებით დაიწყო თუ არ გამოძიება პროკურატურამ, ამ ეტაპისთვის არანაირი განცხადება არ გავრცელებულა. აღნიშნულ გარემოებაზე პოლიტიკური შეფასება გააკეთა საქართველოს პარლამენტის წევრმა, ,,სტრატეგია აღმაშენებლის“ გენერალურმა მდივანმა პაატა მანჯგალაძემ:
,,აი, ასეთი პროცესი, ბუნებრივია, კი ვიცით, რომ ხდება, მაგრამ საქმე არის იმაში, რომ დაფილტრული არ იყოს ეს ინფორმაცია და ერთი მიმართულებით არ გავრცელდეს და ,,ქართულმა ოცნებამ“ არ დაიწყოს სპეკულაცია ამ საკითხებზე. ამის რისკი არსებობს.
მე დარწმუნებული ვარ, გაყალბების შესახებ უფრო დიდი მასალები არსებობს.
გამოძიებას რაც შეეხება – არა მარტო გამოძიებაა შესაძლებელი, საგამოძიებო კომისიაც კი შეიძლება შეიქმნას, იმ მასშტაბის გაყალბებაზეა აქ საუბარი“, – განაცხადა პაატა მანჯგალაძემ.
ავტორი
ნინი ხიჯაკაძე
