“შეუძლებელია საქართველოს ციხეთა სისტემაში და პატიმრობაში მიხეილ სააკაშვილის განკურნება” – მარიამ ჯიშკარიანი

წამების მსხვერპლთა ფსიქოლოგიური რეაბილიტაციის ცენტრ ,,ემპათიას“ დირექტორი მარიამ ჯიშკარიანი კომენტარს აკეთებს საქართველოს მე-3 პრეზიდენტის, მიხეილ სააკაშვილის ჯანმრთელობის მდგომარეობასთან დაკავშირებით მომზადებული დასკვნის თაობაზე:

,,დასკვნა მიხეილ სააკაშვილის ჯანმრთელობის მდგომარეობის შესახებ, რომელიც უნდა წარსდგეს სასამართლოს წინაშე, ამ კვირაში იქნება მზად.

ამ ეტაპზე, რაც იკვეთება უკვე დოკუმენტირებულად და დადასტურებულად, ეს არის მისი ჯანმრთელობის მდგომარეობის გაუარესება გორის ჰოსპიტალიდან მოყოლებული დღემდე, რაც ძირითადად უკავშირდება მის ნევროლოგიურ მდგომარეობას, სტატუსს და ასევე, რეფიდინგის არასწორად ჩატარების შედეგად გამოწვეულ სხვადასხვა გართულებებს.

ჩართული არის სპეციალისტი გერმანიიდან. ეს არის ზოგადი ქირურგი, რომელსაც აქვს კუჭ-ნაწლავის ტრაქტთან ოპერირების გამოცდილება და იგი არის მკურნალი. მას გააჩნია როგორც ქართული ლიცენზიები, ასევე გერმანული ლიცენზია.

ჩვენს ექსპერტთა ჯგუფს ურყევად მიაჩნია, რომ შეუძლებელია საქართველოს ციხეთა სისტემაში და პატიმრობაში, საქართველოში მიხეილ სააკაშვილის განკურნება“, – განაცხადა მარიამ ჯიშკარიანმა.

ავტორი
ნინი ხიჯაკაძე