„სტრატეგია აღმაშენებლის“ წევრი, განათლების მიმართულების ხელმძღვანელი ნანა ტოხვაძე, სტუდენტებზე ფიზიკური ანგარიშსწორების ფაქტს ეხმაურება. ტოხვაძის აზრით „ქართულ ოცნებას“ ეს ფაქტი ძვირად დაუჯდება და ეს ქმედება მათთვის განაჩენი გახდება:
„დღევანდელი ინციდენტი და სტუდენტებზე თავდასხმის საზარელი ფაქტი კიდევ ერთი დასტურია სისტემის ლპობის.
#შინევროპისკენ კამპანიაში ჩართულ სტუდენტებზე ძალადობა და ფიზიკური ანგარიშსწორება „ქართული ოცნების“ პოლიტიკური დიაგნოზია. ეს ჯგუფი უკვე დიდი ხანია სრულად გამოიფიტა და თავი ამოწურა სახელმწიფოს მმართველობაში.
იმ საზოგადოებაში, სადაც მოქალაქეთა 85% პროევროპულია სტუდენტებზე თავდასხმის ფაქტი ძვირი დაუჯდება მმართველ გუნდს. ჯერ საქართველოში არავის გაუმარჯვია ახალგაზრდებზე. სტუდენტებთან მარცხდება ყველა პოლიტიკური ჯგუფი და ეს ოცნების განაჩენია”, – აცხადებს ნანა ტოხვაძე.
ინფორმაციას პოლიტიკური პარტია “გიორგი ვაშაძე – სტრატეგია აღმაშენებლის” და საპარლამენტო ფრაქცია “რეფორმების ჯგუფის” მედიასთან და საზოგადოებასთან ურთიერთობის სამსახური ავრცელებს
