რუსული სანქცირებული ნავთობით დატვირთული ტანკერი ,,ESEN KA” ბათუმის პორტში შემოვიდა. ფაქტთან დაკავშირებით ოპოზიციის წარმომადგენლები გამოძიების დაწყებას და საპარლამენტო საგამოძიებო კომისიის შექმნას მოითხოვენ. აღნიშნულ საკითხზე პოლიტიკური შეფასება გააკეთა ფრაქცია ,,ერთიანი ნაციონალური მოძრაობა – ძალა ერთობაშიას“ წევრმა რომან გოცირიძემ:
,,ეს არის საერთაშორისო დონის სკანდალი. ამიტომ დღესვე უნდა დაიწყოს გამოძიება პროკურატურამ. რა ხდებოდა? რომელი კომპანიის სახელზე მოდიოდა საქართველოში ტვირთი?
ის ახსნა, რომ თურმე ტანკერი უნდა შემოსულიყო ბათუმში, უნდა დაცლილიყო – 1 საათია ხოფამდე და ტრაპზონის პორტამდე. რა საჭირო იყო ბათუმში შენახვის რეჟიმში ტერმინალში ამ ნავთობის ჩასხმა?!
ალბათ საჭირო იყო, რომ ნავთობის შერევა მომხდარიყო და შემდეგ როგორც ყაზახური ან სხვა ქვეყნის ნავთობი გაიყიდებოდა ევროპის ბაზრებზე.
უნდა იქნას შესწავლილი, დაუყოვნებლივ – ეს იყო პირველი შემთხვევა თუ მას ჰქონდა რეგულარული ხასიათი?“ – განაცხადა რომან გოცირიძემ.
ავტორი
ნინი ხიჯაკაძე
