“სისუსტე აქვს აშკარად იმიტომ, რომ როგორც კი წამოდგა იმ წუთში დაბარბაცდა” – გიული ალასანია მიხეილ სააკაშვილზე

საქართველოს მე-3 პრეზიდენტი ექსპერტიზის შედეგებს ელოდება. მიხეილ სააკაშვილის მონახულების შემდეგ კომენტარი გააკეთა მისმა დედამ, გიული ალასანიამ და აღნიშნა, რომ ბრიუსელში ყოფნის დროს შეხვედრები ჰქონდა ადამიანების კონკრეტულ ჯგუფთან, ვინც საქართველოსთან მიმართებაში სრულ ინფორმაციას ფლობენ და პოზიტიურად არიან განწყობილები მის შვილთან მიმართებაში:

,,სისუსტე აქვს აშკარად იმიტომ, რომ როგორც კი წამოდგა იმ წუთში დაბარბაცდა. რაღაცა ძველებურად არის თითქოს – ჯანმრთელობის მხრივ ჩემი თვალით.

ბრიუსელის ამბები მოვუყევი, რა თქმა უნდა. ძალიან გადატვირთული რამდენიმე დღე გვქონდა.
იქ არის ჯგუფი ადამიანების, რომლებიც ძალიან აქტიურად მუშაობენ საქართველოზე. ზოგიერთ შემთხვევაში ჩვენზე უკეთ იციან ჩვენი ვითარება, ვიდრე ჩვენ.

როგორც კი გაიგებდნენ ჩემი შვილის სახელს სახე უნათდებოდათ. იცით, ეს არის სახელი!

დაიწერება რაღაც ობიექტური სურათი, რაც გვაქვს, რაც მივიღეთ ამ მკურნალობის და ყველაფრის შედეგად“, – განაცხადა გიული ალასანიამ.

ავტორი
ნინი ხიჯაკაძე