“20 ივნისიდან სატრანსპორტო საშუალებებში აღარ იქნება სავალდებულო პირბადის გამოყენება” – თამარ გაბუნია

ქვეყანაში გაუმჯობესებული და სტაბილური ეპიდემიოლოგიური მდგომარეობის გათვალისწინებით, ჯანდაცვის სამინისტროსა და დარგის სპეციალისტების რეკომენდაციით, საქართველოს მთავრობამ გადაწყვეტილება მიიღო, რომ 20 ივნისიდან სატრანსპორტო საშუალებებში აღარ იქნება სავალდებულო პირბადის გამოყენების ვალდებულება:

„კოვიდთან დაკავშირებული ეპიდემიური სიტუაციის სტაბილიზაციის ფონზე, უკვე ორშაბათიდან [20 ივნისიდან] სატრანსპორტო საშუალებებში აღარ იქნება სავალდებულო პირბადის გამოყენება. პირბადის გამოყენების რეკომენდაციის შესრულება კვლავაც მნიშვნელოვანია იმ ადამიანებისთვის, ვისაც აქვს ქრონიკული დაავადებები, თუმცა ეს არ არის სავალდებულო ხასიათის და არ დაექვემდებარება სანქცირებას. პირბადის გამოყენება სავალდებულო დარჩება მხოლოდ სამედიცინო დაწესებულებებში“, – განაცხადა თამარ გაბუნიამ.