კრწანისის ტყეპარკს ოქროსფერი კვირიონი ამშვენებს – ინფორმაციას ველური ბუნების ეროვნული სააგენტო ავრცელებს:
კრწანისის ტყეპარკის მობინადრე ფრინველი ოქროსფერი კვირიონი – European bee-eater (Merops apiaster) ადვილად განირჩევა სხვა ფრინველებისაგან ნაირფერი ბუმბულის საფარველით. კეფა, თხემი, ფრთის ზედა მფარავები და ზურგი წაბლისფერი აქვს. მოლურჯო სხეულის ქვედა ნაწილის ფონზე თვალშისაცემია კაშკაშა ყვითელი ყელი, ნისკარტი და თვალზე გამავალი შავი ზოლი.
