შალვა ნათელაშვილი რუსეთის პრეზიდენტის, ვლადიმერ პუტინის მიერ, დაახლოებით ერთი თვის წინ, საქართველოს ისტორიის დამახინჯებულ ინტერპრებას ეხმიანება და მიაჩნია, რომ რუსეთის მხრიდან მოსალოდნელია მორიგი უდიდესი საფრთხისშემცველი ქმედებები, რასაც პარლამენტმა წინსწრებად უნდა უპასუხოს:
“რამდენიმე დღის წინ რუსეთის პრეზიდენტმა, ვლადიმერ პუტინმა მთელ მსოფლიოს მოუყვა ცრუ ისტორია საქართველოს შესახებ, რომლის თანახმადაც, თურმე ჩვენ პატარა ერების გენოციდისა და ოკუპირების მეტი არაფერი გაგვიკეთებია. ეს იყო ახალი გეგმა საქართველოს შემდგომი დაშლისკენ და შედეგებმაც არ დააყოვნა.
უახლოეს დღეებში რუსეთის სახელმწიფო სათათბირო ე.წ. დუმა იწყებს დადგენილების პროექტის განხილვას იმის თაობაზე, რომ ოსებს მოვუწყვეთ გენოციდი.
მე მოვუწოდებ საქართველოს პარლამენტს მთლიანად, ყოველგვარი პოზიცია-ოპოზიციის გარეშე, სასწრაფოდ მოიწვიეთ საგანგებო სხდომა და მიიღეთ დადგენილების პროექტი ქართველი ერის ისტორიული და მიმდინარე გენოციდის შესახებ. მხოლოდ დასწრება იდეოლოგიურ ომში არის გარანტია მომავალი გამარჯვებებისა და ჩვენი მთლიანობის” – განაცხადა შალვა ნათელაშვილმა.