„სტრატეგია აღმაშენებლის“ და რესპუბლიკური პარტიის” ლიდერები ვაშინგტონში NDI-ს სათაო ოფისში ევრაზიის რეგიონის დირექტორს ევა ბუზას და ევრაზია/კავკასიის რეგიონული პროგრამების ხელმძღვანელებს შეხვდნენ.
გიორგი ვაშაძის თქმით შეხვედრაზე საუბარი ორმხრივ ურთიერთობებსა და ქვეყნის შიგნით მიმდინარე დემოკრატიზაციის პროცესებს მოიცავდა:
„საუბარი გვქონდა ორმხრივ ურთიერთობებზე, საქართველოსთვის NDI-ს მიერ გაწეულ დახმარებაზე დემოკრატიული პროცესების განვითარების კუთხით. ასევე შეხვედრაზე საქართველოში პარტიების გაძლიერებასა და მათ მხარდაჭერაზე ვისაუბრეთ, კონკრეტულად პარტიების საჭიროებასა და საკითხებზე, რაშიც შეუძლია NDI-ს დახმარების გაწევა. შევეხეთ საქართველოს შიგნით დემოკრატიზაციის პროცესებს, რეფორმებს და მათი დაჩქარების შესაძლებლობები განვიხილეთ“, – განაცხადა გიორგი ვაშაძემ.
ინფორმაციას პოლიტიკური პარტია “გიორგი ვაშაძე – სტრატეგია აღმაშენებლის” და საპარლამენტო ფრაქცია “რეფორმების ჯგუფის” მედიასთან და საზოგადოებასთან ურთიერთობის სამსახური ავრცელებს