პარტია ,,ქართული ოცნების“ თავმჯდომარე ირაკლი კობახიძე საქართველოს მე-3 პრეზიდენტის, მიხეილ სააკაშვილის მკურნალობის მიზნით საზღვარგარეთ გადაყვანასთან დაკავშირებით აცხადებს, რომ თუ პრობლემები გართულდება შესაძლოა გადაიყვანონ ფსიქიატრიულში, მაგრამ მისი გათავისუფლება არ მოხდება:
,,სიმულანტობს და ცდილობს, რომ სიმულატობის ხარჯზე რაღაცნაირად, ასე ვთქვათ, თავი დააღწიოს საპატიმროს, ბუნებრივია, ეს არის აპრიორი – გამორიცხული.
აქედანვე შეიძლება ითქვას, რომ ვერავითარი სიმულანტობა, თვითდაზიანება თუ რაიმე მსგავსი ვერ გახდება – ამას ვამბობ ძალიან მკაფიოდ და ხაზგასმით – მისი განთავისუფლების, ვერც სხვა ქვეყანაში გადაყვანის და ვერც შინაპატიმრობის საფუძველი.
ეს კაცი ამ ფსიქიკური პრობლემებით იყო პრეზიდენტი დიდი ხანი, დღეს არის პატიმარი და ბუნებრივია, პატიმრად დარჩება.
თუ გართულდება ეს ფსიქიკური პრობლემები, შეიძლება ფსიქიატრიულ საავადმყოფოში მისი გადაყვანა გახდეს საჭირო, მაგრამ აქამდე ის ამ ფსიქიკური პრობლემებით პრეზიდენტობასაც ახერხებდა, მე მგონი, პატიმრობასაც მოახერხებს“, – განაცხადა ირაკლი კობახიძემ.
ავტორი
ნინი ხიჯაკაძე
