“ისევ დაბრუნდნენ პირველ ჩვენებაზე, რასაც ჰქვია მიხეილ სააკაშვილის ჯანმრთელობის მდგომარეობით მანიპულირება” – გურამ მაჭარაშვილი

პარლამენტის საპროცედურო საკითხთა და წესების კომიტეტის თავმჯდომარის პირველი მოადგილე გურამ მაჭარაშვილი მედიასთან კომენტირებისას აცხადებს, რომ მიხეილ სააკაშვილის ჯანმრთელობის მდგომარეობით მისი მომხრეები მანიპულირებენ:

,,ჩვენ უკვე მერამდენე წრეზე მივდივართ, აღარ ვიცი. ჯერ კიდევ შემოდგომაზე დაიწყო, სამწუხაროდ, პატიმარმა სააკაშვილმა თავისივე ჯანმრთელობით მანიპულირება. უფრო მეტად მისმა მომხრეებმა დაიწყეს მისი ჯანმრთელობით მანიპულირება, რაც არ გამოუვიდათ.

შემდგომ იყო სერია სასამართლო პროცესებზე გამოსვლის, პოლიტიკური განცხადებების – ამანაც ვერ გამოიღო შედეგი.

ახლა ისევ დაბრუნდნენ პირველ ჩვენებაზე, რასაც ჰქვია ასევე, სამწუხაროდ, მისი ჯანმრთელობის მდგომარეობით მანიპულირება“, – განაცხადა გურამ მაჭარაშვილმა.

ავტორი
ნინი ხიჯაკაძე