“ზურაბ შევარდნაძეს ყველა იცნობს, როგორც კარგ მებაღეს და ამაყები ვართ ის წარმოვაჩინოთ ეთნოგრაფიის კუთხითაც” – თეა წულუკიანი

ვიცე-პრემიერი, საქართველოს კულტურის, სპორტისა და ახალგაზრდობის საქმეთა მინისტრი თეა წულუკიანი შეფასებას აკეთებს “გარდენია შევარდნაძის” შემქმნელის, ზურაბ შევარდნაძის წიგნის პრეზენტაციასთან დაკავშირებით:

,,ზურაბ შევარდნაძეს ყველა იცნობს, როგორც კარგ მებაღეს, მშრომელ ადამიანს და თავისი საქმის პროფესიონალს, მაგრამ ჩვენ დღეს ამაყები ვართ ის წარმოვაჩინოთ სხვა კუთხითაც და ეს მიმართულება არის კულტურის სამინისტროს ერთ-ერთი პრიორიტეტი, კერძოდ ეთნოგრაფია.

პირადად, როდესაც ამ მასალას ჩავხედე მივხვდი, რომ ეს არის ის ენა, ის ტერმინები, ის გამოცდილება, რომელიც თუ არ გამოვეცით, თუ არ შევინახეთ და ამ ფორმით არ დავაფიქსირეთ, როგორც წიგნი და დოკუმენტი, შეიძლება გაქრეს“, – განაცხადა თეა წულუკიანმა.

ინფორმაციისთვის – ზურაბ შევარდნაძემ წიგნი გამოსცა გურული პერსონაჟების შესახებ:

“წიგნში არის შეგროვილი 50 გურული პერსონაჟის ამბავი, იქ არაფერია შესწორებული და შელამაზებული, ეს არის ამბები, რასაც თვითონ ჰყვებიან – ჩემი მეზობლები, ნათესავები, მასწავლებლები, გამორჩეული გურულები. ამ ადამიანების შერჩევის პრინციპი არის ის, რომ არანაირი პრინციპი არ ყოფილა, უბრალოდ ადამიანები საკუთარ ცხოვრებაზე გვიყვებიან და როგორც ეთნოგრაფები ახასიათებენ და ამბობებ, ეს წიგნი ჰყვება ძველი გურიის ცხოვრების შესახებ“, – აღნიშნავს ზურაბ შევარდნაძე.

ავტორი
ნინი ხიჯაკაძე