ადვოკატი დიმიტრი საძაგლიშვილი ხელისუფლების მიმათ მწვავე კომენტარს აკეთებს, ბრალს დებს საქართველოს მე-3 პრეზიდენტის ჯანმრთელობის გაუარესებაში და აცხადებს, რომ ამჟამად ხდება მიხეილ სააკაშვილის წამება:
,,ხაზგასმით მინდა ვთქვა, რომ ეს არ არის სიტუაცია – მიხეილ სააკაშვილს რაღაც ჯანმრთელობის პრობლემები ჰქონდა და სახელმწიფო არ მკურნალობს. არა!
სახელმწიფომ, ხელისუფლებამ მის მიმართ განხორციელებული არაადამიანური მოპყრობით მოუსპო ჯანმრთელობის მდგომარეობა მიხეილ სააკაშვილს და ახლა სათანადო სამედიცინო სერვისების არმიწოდებით აგრძელებს მის წამებას და არაადამიანურ მოპყრობას.
სამწუხაროა, რომ ამას ხელისუფლება აკეთებს პოლიტიკურ ტყვეობაში მყოფი საქართველოს მე-3 პრეზიდენტის წინააღმდეგ.
მიხეილ სააკაშვილი არის პუტინის პოლიტიკური ტყვე. პუტინის დავალებით იმყოფება, შესაბამისად, ბიძინა ივანიშვილის მიერ ამ დავალების აღსრულებით პოლიტიკურ ტყვეობაში და ეს ტყვეობა, რაც შეიძლება მალე უნდა დასრულდეს“, – განაცხადა დიმიტრი საძაგლიშვილმა.
ავტორი
ნინი ხიჯაკაძე
