რუსეთის მუქარას, ბირთვული იარაღის გამოყენების თაობაზე, ეხმაურება ანალიტიკოსი, პოლიტიკის ექსპერტი, ხათუნა ლაგაზიძე:
“გუშინ ჭკვიან ხალხთან ერთად ვსაუბრობდით: რაში აწყობს ახლა ჩინეთს მსოფლიო ომი, მით უფრო ბირთვული იარაღის გამოყენებით?! სადღა გაყიდოს თავისი უზარმაზარი ეკონომიკის პროდუქტები, სულ რომ გადაურჩეს თავად ატომურ საფრთხეს?!
ბირთვული ომის საფრთის წინაშე ჩინეთსთვის ტაივანის საკითხიც უნდა გაუფერულდეს.
ასე რომ, დღეს რუსეთის სიგიჟის გაჩერება ჩინეთის ხელშია. ჩინეთის მკვეთრი პოზიცია არის ყველაზე ეფექტური ბერკეტი რუსეთზე ზემოქმედების.
ჩინეთის დროა: ეს მისი ამბიციის თემადაც უნდა აქციონ – ჩინეთის წვლილი მსოფლიო მშვიდობაში“, – წერს ფეისბუქის პირად გვერდზე ხათუნა ლაგაზიძე.
